03:15pm 04 September 2026
NEWS :: GULF
ബാസ്ക്കറ്റ്ബോൾ ലോകകപ്പിനായുള്ള ത്രില്ലിംഗ് കാത്തിരിപ്പിന് ദോഹയിൽ തുടക്കം
ദോഹ: 2027 ബാസ്ക്കറ്റ്ബോൾ ലോകകപ്പിന്റെ ആവേശപോരാട്ടങ്ങൾക്ക് വേദിയാകാൻ അൽ ജനൂബ് അരീന സജ്ജമായി. ലോകകപ്പ് പോരാട്ടങ്ങൾക്കായുള്ള കൃത്യം ഒരു വർഷത്തെ കൗണ്ട്ഡൗണിന് തുടക്കം കുറിച്ചുകൊണ്ട് നടന്ന പദാർത്ഥമത്സരത്തിൽ ഖത്തറും ചൈനയും തമ്മിൽ ഏറ്റുമുട്ടി. ......
കുട്ടികളുടെ ആരോഗ്യത്തിനായി പി.എച്ച്.സി.സിയുടെ 'ബാക്ക്-ടു-സ്കൂൾ' ക്യാമ്പയിൻ ഞായറാഴ്ച മുതൽ
ദോഹ: പുതിയ അധ്യയന വർഷത്തോടനുബന്ധിച്ച് വിദ്യാർത്ഥികളിൽ ആരോഗ്യകരമായ ശീലങ്ങൾ വളർത്തിയെടുക്കുകയെന്ന ലക്ഷ്യത്തോടെ പ്രൈമറി ഹെൽത്ത് കെയർ കോർപ്പറേഷൻ (PHCC) 'ബാക്ക്-ടു-സ്കൂൾ' ക്യാമ്പയിന് തുടക്കം കുറിക്കുന്നു. 'ആരോഗ്യമുള്ള ശരീരങ്ങൾ കരുത്തുറ്റ രാജ്യങ്ങളെ കെട്ടിപ്പടുക്കുന്നു' എന്ന സന്ദേശവുമായി ഓഗസ്റ്റ് 30 മുതൽ സെപ്റ്റംബർ 10 വരെ ഖത്തറിലെ എല്ലാ സർക്കാർ സ്കൂളുകളിലും കിന്റർഗാർട്ടനുകളിലുമാണ് ബോധവൽക്കരണം നടക്കുക. കൃത്യമായ ഉറക്കം, ഗാഡ്ജറ്റുകളുടെ ഉപയോഗം കുറയ്ക്കൽ, ആവശ്യത്തിന് വെള്ളം കുടിക്കൽ, പോഷകാഹാരം, വ്യായാമം, മാനസികാരോഗ്യം എന്നിവയ്ക്ക് ക്യാമ്പയിൻ മുൻഗണന നൽകുന്നു. ......
ഖോർ അൽ ഉദൈദ് ലോക പൈതൃക പട്ടികയിലേക്ക്; യുനെസ്കോ നാമനിർദേശത്തിനായുള്ള നടപടികൾ വേഗത്തിലാക്കി ഖത്തർ
ദോഹ: ഖത്തറിലെ പ്രസിദ്ധമായ 'ഖോർ അൽ ഉദൈദ്' പ്രകൃതിദത്ത റിസർവിനെ യുനെസ്കോയുടെ (UNESCO) ലോക പൈതൃക പട്ടികയിൽ ഉൾപ്പെടുത്തുന്നതിനുള്ള നിർണായക നടപടികളുമായി പരിസ്ഥിതി കാലാവസ്ഥാ വ്യതിയാന മന്ത്രാലയം (MoECC). ഇതിന്റെ ഭാഗമായി അന്താരാഷ്ട്ര പ്രകൃതി സംരക്ഷണ യൂണിയന്റെ (IUCN) വിദഗ്ധ സംഘവുമായി മന്ത്രാലയം ഉന്നതതല ചർച്ചകൾ നടത്തി. ഓഗസ്റ്റ് 23 മുതൽ 26 വരെ ഖത്തർ സന്ദർശിച്ച ഐ.യു.സി.എൻ സംഘം ഖോർ അൽ ഉദൈദ് റിസർവിൽ രണ്ടുദിവസത്തെ ഫീൽഡ് സന്ദർശനം നടത്തുകയും മേഖലയിലെ സവിശേഷമായ ജൈവവൈവിധ്യവും പരിസ്ഥിതി വ്യവസ്ഥയും വിലയിരുത്തുകയും ചെയ്തു. ......
വിദ്യാഭ്യാസ മേഖലയിലെ നേട്ടങ്ങളെ അഭിനന്ദിച്ച് ഖത്തർ മന്ത്രിസഭ; റിയൽ എസ്റ്റേറ്റ് ഡിജിറ്റലൈസേഷൻ ബില്ലിന് അംഗീകാരം
ദോഹ: പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽതാനിയുടെ അധ്യക്ഷതയിൽ അമീരി ദി വാനിൽ ചേർന്ന മന്ത്രിസഭാ യോഗം രാജ്യത്തെ വിദ്യാഭ്യാസ മേഖലയിലെ വളർച്ചയെയും പുതിയ അധ്യയന വർഷത്തേക്കുള്ള ഒരുക്കങ്ങളെയും പ്രശംസിച്ചു. നാഷണൽ വിഷൻ 2030, മൂന്നാം ദേശീയ വികസന തന്ത്രം (NDS3) എന്നിവയ്ക്ക് അനുസൃതമായി രാജ്യാന്തര നിലവാരത്തിലുള്ള പുതിയ സ്കൂളുകൾ സ്ഥാപിക്കുന്നതിലും പാഠ്യപദ്ധതി പരിഷ്കരണത്തിലും കൈവരിച്ച മുന്നേറ്റങ്ങളെ യോഗം വിലയിരുത്തി.നിക്ഷേപംആകർഷിക്കുന്നതിനും സുതാര്യത ഉറപ്പുവരുത്തുന്നതിനുമായി റിയൽ എസ്റ്റേറ്റ് ഉൽപന്നങ്ങളെ ഡിജിറ്റലൈസ് ചെയ്യുന്ന (Real Estate Tokenization) കരട് നിയമത്തിന് യോഗം അംഗീകാരം നൽകി. ......
ലെഖ് വി യയുടെ ‘അഷ്ബാൽ’ പരിശീലന പരിപാടിയുടെ ആറാം പതിപ്പിന് പ്രൗഢോജ്ജ്വല സമാപനം
ദോഹ: ഖത്തർ ആഭ്യന്തര സുരക്ഷാ സേനയുടെ (ലെഖ് വി യ) ആഭിമുഖ്യത്തിൽ സംഘടിപ്പിച്ച 'അഷ്ബാൽ ലെഖ് വി യ 2026' പരിശീലന പരിപാടിയുടെ ആറാം പതിപ്പ് വിജയകരമായി പൂർത്തിയായി. ഓഗസ്റ്റ് 9 മുതൽ 26 വരെ നടന്ന ക്യാമ്പിന്റെ സമാപന ചടങ്ങിൽ ലേഖ്വിയ ഡെപ്യൂട്ടി കമാൻഡർ മേജർ ജനറൽ സ്റ്റാഫ് മുഹമ്മദ് മിസ്ഫർ അൽ ഷഹ്വാനി പങ്കെടുത്തു. യുവതലമുറയിൽ ദേശസ്നേഹം, ദേശീയ മൂല്യങ്ങൾ, സേവനസന്നദ്ധത എന്നിവ വളർത്തിയെടുക്കുക എന്ന ലക്ഷ്യത്തോടെയാണ് ഈ പദ്ധതി സംഘടിപ്പിച്ചത്. ......
തദ്ദേശീയ സംരംഭങ്ങൾക്ക് പിന്തുണയുമായി ഖത്തർ ചേംബർ; സാമൂഹിക വികസന മന്ത്രാലയവുമായി ചർച്ച നടത്തി
ദോഹ: രാജ്യത്തെ ഗാർഹിക-ചെറുകിട സംരംഭങ്ങളെയും ഉൽപ്പാദന കുടുംബങ്ങളെയും (Productive Families) ശക്തിപ്പെടുത്തുന്നതിനായി ഖത്തർ ചേംബർ പിന്തുണ പ്രഖ്യാപിച്ചു. ഇതുമായി ബന്ധപ്പെട്ട് സാമൂഹിക വികസന-കുടുംബ മന്ത്രാലയ പ്രതിനിധികളുമായി ഖത്തർ ചേംബർ ആക്ടിംഗ് ജനറൽ മാനേജർ അലി സഈദ് ബു ഷെർബാക് അൽ മൻസൂരി ഉന്നതതല ചർച്ച നടത്തി. മന്ത്രാലയത്തിലെ ഫാമിലി എംപവർമെന്റ് വിഭാഗം ഡയറക്ടർ ബുഥൈന അൽ ഉബൈദ്ലി, എംപവർമെന്റ് സെക്ഷൻ മേധാവി ഗാദ അൽ ഇമാദി, ഫാത്തിമ അൽ മുഹന്നദി എന്നിവരടങ്ങിയ സംഘമാണ് ചേംബർ ആസ്ഥാനത്തെത്തി കൂടിക്കാഴ്ച നടത്തിയത്. വീടുകൾ കേന്ദ്രീകരിച്ച് പ്രവർത്തിക്കുന്ന സംരംഭകരുടെ ഉൽപന്നങ്ങൾക്കും സേനങ്ങൾക്കും വിപണിയിൽ വലിയ സ്വീകാര്യതയുണ്ടെന്ന് അൽ മൻസൂരി ചൂണ്ടിക്കാട്ടി. ......
പ്രവാസത്തിലും മായാത്ത പൂവിളി: ഓണാഘോഷ ലഹരിയിൽ ദോഹ
പി വി എ നാസർ ദോഹ: ഗൃഹാതുര സ്മരണകൾക്ക് വർണ്ണപ്പകിട്ടേകി പ്രവാസി മലയാളി സമൂഹം ഒത്തുചേർന്നതോടെ ഖത്തറിലും ഓണാഘോഷങ്ങൾ സജീവമായി. തിരുവോണദിനം പ്രവൃത്തിദിനമായിരുന്നിട്ടും അത്തപ്പൂക്കളമിട്ടും വിഭവസമൃദ്ധമായ സദ്യയൊരുക്കിയും ദോഹയിലെ മലയാളികൾ തങ്ങളുടെ പ്രിയപ്പെട്ട ഉത്സവത്തെ ആവേശത്തോടെ നെഞ്ചിലേറ്റി.നാട്ടിലുള്ള ബന്ധുക്കൾക്കും സുഹൃത്തുക്കൾക്കും ഓണാശംസകൾ കൈമാറിയും ഫോണിലൂടെ വിശേഷങ്ങൾ പങ്കുവെച്ചുമാണ് പലരും തിരുവോണദിനം ആഘോഷമാക്കിയത്. ഓഫീസ് സമയത്തിനിടയിലും മലയാളി ജീവനക്കാർ ഒത്തുകൂടി അടുത്തുള്ള റെസ്റ്റോറന്റുകളിൽ പോയി സദ്യ കഴിച്ചാണ് തിരുവോണദിനം ആഘോഷമാക്കിയത്. ഓണസദ്യയൊരുക്കിയ റെസ്റ്റോറന്റ്കളിൽ പ്രവൃത്തിദിനമായിരുന്നിട്ടും വൻ തിരക്കാണ് അനുഭവപെട്ടത്. പ്രവാസി മലയാളികൾ ജോലി ചെയ്യുന്ന നിരവധി കമ്പനികളും സ്ഥാപനങ്ങളും ബുധനാഴ്ച ജീവനക്കാർക്കായി പ്രത്യേകം ഓണസദ്യകൾ സംഘടിപ്പിച്ചിരുന്നു. തിരുവോണത്തിന് ശേഷം വരുന്ന വാരാന്ത്യത്തിൽ ആഘോഷങ്ങളുടെ മാറ്റു കൂടും. ......
ഡബ്ല്യു.എച്ച്.ഒ ഡയറക്ടർ ജനറൽ പദവിയിലേക്ക് ഖത്തർ മുൻ ആരോഗ്യ മന്ത്രി ഡോ. ഹനാൻ അൽ കുവാരി നാമനിർദേശം ചെയ്യപ്പെട്ടു
ദോഹ: ലോക ആരോഗ്യ സംഘടനയുടെ (WHO) അടുത്ത ഡയറക്ടർ ജനറൽ പദവിയിലേക്ക് ഖത്തറിന്റെ മുൻ പൊതുജനാരോഗ്യ മന്ത്രി ഡോ. ഹനാൻ മുഹമ്മദ് അൽ കുവാരി നാമനിർദേശം ചെയ്യപ്പെട്ടു. ......
GULF
